·
Bansang Pilipinas ay sadyang katangi-tangi
Tahanan ng magiting at marangal na lahi
Ganda at yamang taglay hindi maikukubli
Sa anumang larangan ay hindi pagagapi.
Makalibong daang taon na ang nakalipas
Wikang Filipino ay nananatiling hiyas
Ang banyuhay na angkin ay kagila-gilalas
La-Moderno man ang panahon ay walang kupas.
Wikang Filipino ay hitik na hitik sa bunga
Mula sa kabihasnan, tradisyon kitang-kita
Mapa-relihiyon, sining likas nakamarka
Wikang Filipino ay salamin ng kultura.
Paglakbayin ang ating diwa, isipan ay ikislap
Humabi tayo ng magandang maidaragdag
At baul ng ating kultura mag-gintong rosas
Padayon! Wikang Filipino, Salamin ng Mayamang Kultura!