Ako ay Pilipino
Wikang Filipino, ang wika ko
Buong pusong ipinagmamalaki ko
Ang wikang ipinaglaban ng aking mga ninuno.
Wikang Filipino, salamin ng mayamang kultura
Makukulay na tradisyon, kailanman hindi naipamura
Payabungi’t paunlarin, ang wikang dugo’t pawis ang ibinuwis
Sapagkat ang wikang ito, hindi na kailanman maiaalis.
Paggamit ng po at opo, huwag nating kakalimutan
Mga mabubuting asal, ating pakakatandaan
Saanmang lupalop ng mundo, namamayagpag ang ating pagkapilipino
Dahil nasa dugo na natin ito, ipinagmamalaking taas noo.
Mayaman ang Pilipinas dahil sa wikang pinagmulan
Mapa-Luzon, Visayas, o Mindanao ka man
Wikang Filipino ang ating sandigan
Dahil ang wikang ito ay sandata kahit saanman tayo naninirahan.
Tatak Pinoy ka kung Wikang Filipino ang isabuhay
Nagpapakita ito na ang bansa’y mahal mo nang tunay
Huwag nating sayangin ang wikang minimithi
Dahil mga ninuno nati’y pilit itong iniwawagi.
Wikang Filipino ay simbolo ng ating kalayaan
Gamitin nang tama at huwag nating pabayaan
Ating pagyamanin, mahalin at laging ingatan
Upang ang Wikang Filipino ay maibahagi pa sa sangkatauhan.