Bansang mahal na napapalibutan ng kadagatan,
Pinagbuklod-buklod man ng mga likas na yaman
Subalit pinagkaisa naman ng natatanging hiyas
Ang Wikang Filipino, na itinuring na perlas ng bansang Pilipinas
Wikang nagmula sa malayo-polynesian na linguwahi
Binibigkas ng mga ninuno hanggang ng mga salinlahi
Iniingatan at pinagyayaman mula noon hanggang ngayon
Dahil ito’y sumasagisag sa mayaman nating kahapon
Bawat sulok ng bansa’y may ibat ibang wika
Nagpapakita ng mga masasaya’t makukulay na kultura
Sa pamumuhay, kaugalian, etnisidad at paniniwala
Na magbibigay ng dunong sa madla
Wika ang naging tulay ng nakaraan
Na nagdudugtong sa ating kasalukuyan
At ang magpapatuloy sa ating kinabukasan
Wika’y itinuring na puso ng kultura
Di nito kayang mabuhay kung wala ang isa
Kagaya na lamang ng ating kasaysayan
Kung wala ang wika, ito’y di natin matutunan
Wika’t kultura’y di puwedeng paghiwalayin
Sapagkat sa isa’t isa’y sumasalamin
Sa kaganapang sumasagisag ng ating kabihasnan
Na sinubok ng ibat ibang kaganapan.
Wika’y itinuring na diyamante ng ating kasaysayan
Na iniingatan ng buong samabayanan
Ang siyang magbibigay ng dunong sa kahapon, ngayon at bukas
Ng mga itinuturing na ginto ng bansang Pilipinas.