W- ikang makinang, nagwawangis na animoy isang purong ginto
I- pinagmamalaki ng buong tapang saan mang sulok ng mundo
K-ultura at wikang pinamana, aalagaan na parang natatanging perlas
A- ng pitong libots Isang Daan na pulo ay walang hiyas na tutumbas
N-adapa at muling bumangon, pilit pinalubog pero kusang umahon
G- anyan tayo hinasa ng ating ninuno, lumipas man ang panahon
F- ilipino ang salita ko ang dugo ko ay mula sa mandirigma
I- paglalaban ang karapatan, huwag ka lang mawala
L- ahat man ay madadala ng umuusbong na teknolohiya
I-kaw parin ang bibigkasin ko, buong tapang at di mahihiya
P-inalaki akong kayumanggi, hinubog ng mga katunggali
I-sang wika man na maituturing, ngunit salamin ka ng bayani
N-ananalantay na sa aking lahi, ang wikang Filipino ay pipiliin
O-o nga at mahirap Kang mahalin, Pero ikaw parin ang para sa akin
M-ayamang Paraiso katumbas ng kulturang pilipino
A- ng mamatay ng dahil sa iyo, ay malaking karangalan ko
Y- aman mong taglay sa tubig, lupa, himpapawid at mga tao
A- ko ay taas noong makikipagtalastasan sa wikang Filipino
M- apadpad man ako, sa pinakamalayong ibayong dagat
A-ng uuwian ko parin ay ang kung saan ako unang namulat
N-agsilisan man ang ibang kalahi, hindi parin maiwawaksi
G-amit itong tinta at papel, wikang Filipino parin ang aking haligi
K-ultura at wika natin ay parang pinta na palamuti sa ibang bansa
U-na at huling bukang bibig ko, saan man ako mapunta
L-isanin man kita ng panandalian, babalik parin sa Perlas ng silangan
T-angayin man ako ng katanyagan, lilingon parin sa pinanggalingan
U-maasang sa bayang kinagisnan, ang wika mo parin ang mapakikinggan
R-etorika, Wika at Kultura ang iingatan ko bilang una at huling pamana
A-ko ay pilipino, Filipino ang salita ko hanggang sa aking huling hininga