Sa araw araw na pag-inog nitong ating buhay
Mga pagsubok ay nakakapag lupaypay
Iba't-ibang hamon, kalamidad at pandemya
Tunay na kinakaharap ng bansang sinisinta
Dahil sa pagsubok, Inang Bayan ay nalugmok
Pagiging matatag ni Juan ay talagang nasubok
Anumang balakid at paghihirap hindi natinag
Sa Diyos ay nanalig kaya nanatiling metatag
Tatak ng Pilipino ay ating mahalin at yakapin
Pagkakaisa natin ay laging pag-ibayuhin
Para kahit anong problemang haharapin
Ito ay makakaya natin lagpasan at lutasin
Bagyo man o pandemya, hindi tayo tutumba
Magtiwala lang sa Poong Maykapal tuwina
Mahalagang isabuhay ang pagka Pilipino
Ituloy lang ang laban para sa iyo at kapwa mo
Makakayang lubos anumang unos
Kahit na ito pa ay kalunos-lunos
Pagkat tayo’y magkakaugnay tatag ay taglay
Itong pusong Pilipino susi sa tagumpay.