·
Aking nanamnamin ang kagandahan ng dagat
Kung saan magmumunimuni sa mga pagkakataong dumaan
Tanawin na para bang sa akin nakalaan
Sabay sa musikang hatid ng karagatan
Aking binabaon sa buhangin ang aking paa
Kasama dito ang mga bagay na sa araw ko ay nagpadismaya
Mga ito ay iiwan at isasama sa alon
Habang nakabaling ang tingin sa umaapoy na kalangitan
Unti-unti ay napapalitan ng maliit na liwanag ang iyong karagatan
Nilalamon ng mga anino ng kabundukan
At tulad ng bukang liwayway
Kulay lila mong kalangitan sa mga alon sumasabay
Hinihila ako ng kagandahan mo
Sa tuwing matatapos ang araw ko
Sa dalampasigan ako ay nagtutungo
Pagmamasdan ka habang naparam ako sa kagulohan ng mundo