Pilipinas, bansa ng mga Pilipino, kilala dito ang bayan ko
Matibay, matatag at di magigipo, anuman pagdaanan kinakaya ito!
Sinubok man ng lindol, pagputok ng bulkan at pandemya ang munting bayan ko
Subalit ang mga tao pilit na bumangon at naging mabibo at hindi tinalikuran ang paghamong ito
Sa mga pagyanig na nangyari, bumagsak man ang adobe
Gumuho man ang lupa at natumba ang mga poste
Kabi-kabila man ang harang at batong kalat sa kalye
Kailangang gumising! Bangungot ay iwaksi at buhay ay ipagpatuloy na muli!
Makalipas ang ilang taon, natutulog na bulkan ay nagpakitang gilas
Sa kanyang pagputok, mga tao ay di malaman kung saan pupulagas
Hindi magkamayaw kung saan pupunta, kasabay ng dibdib na puno ng kaba
Habang iniisip ang bawat kapamilya pati kabuhayan kayhirap lisanin talaga
Sa bawat hikbi ay hindi maikubli sa malungkot na mata ay hindi maipinta kung ano ang nangyari, nakakabigla talaga
Subalit isang pagsubok ang lumaganap na muli, pandemyang nagpabago sa mundong naging sawi
Dito na nauso, ang sobrang ingat na todo, Paggamit ng facemask ay ginawang mandato
Bukod sa alcohol na tumaas ang presyo, mga tao ay nangagreklamo dahil sa protocol na tila nagbigay lito
Bagaman maraming buhay ang nawala, hanap-buhay at negosyong naglahong parang bula
Halina at ating isa –isahin positibong dala ng pandemya sa atin, na kung tawagin ay Covid 19
Ito ang nagbunsod para maging maaalalahanin upang kumustahin mga kapamilya natin
Naging madasalin upang bawat isa ay maligtas sa pandemyang biglang nagpabago sa atin
Mga paaralan na nagsara, kayraming nabuong estratehiya upang pag-aaral ay maipagpatuloy na
Naging kaagapay sa paghulma, mga departamento lokal at nasyonal ay nagsanib na
Upang maipagpatuloy ang edukasyon sa loob ng tahanan na matitiyak ang kaligtasan
Sa tulong at gabay ng magulang sapagkat blended lesson ang naging paraan upang limited education ay maisakatuparan
Ang transpormasyon ay hindi man naging madali, ngunit tinanggap ng may ngiti sa labi
Mga guro at bata ay natuto, gumamit ng teknolihiya upang madagdagan ang alam na sa sarili ay nakaatang
Doon tayo naging mapanuri at tila tuloy sa pagtuklas upang maibalik sa normal ang bawat sandali
Hanggang unti-unting nakaahon at nabuo ang ngiti at hinarap ang buhay na may pag-asa muli
Muling bumangon, bansang Pilipinas, bansang sadyang may angking tikas at lakas
Ang pag-ibig, pagkakaisa at positibong estratehiya ay naging punyal upang buhay ay guminhawa
Tagumpay ay nakamit ng bawat Pinoy na kay lupit na kahit nagipit sa Diyos ay kumapit
Kasabay ng pagiging Makadiyos, makakalikasan at makabansa, tunay na sandata sa bawat pagsubok ng sanglumikha.