Maraming pagsubok ang ating naranasan
Ma pa pandemya man o hamon ng kalikasan
Ang ating pamahalaan ay gumagawa ng paraan
Upang ito'y maiwasan at masolusyunan.
Hindi maiwasang mga sakuna
Dumating sa bansa para tayo'y mapatumba
Mga pagsubok na di kinakaya
Sinamahan pa ng malalang pandemya.
Itong virus na si corona ay nanalasa
Sa ating pamahalaa'y nagpawala ng pag-asa
Na ang mga mahal natin sa buhay ay nawala na
Pero ang Pilipinas ay sadyang babangon pa.
Bagyo, lindol, baha hangad tayo'y mapatumba
Hindi maiiwasang mga sakuna
Ating nilalabanan ng sama-sama
Ng may panalangin at pagkakaisa.
Mga sakunang naranasan ng bansa
Ang siyang sumubok sa'ting pananampalataya,
Unti-unting sa ati'y nagpahina
Lalong nagpahirap sa ating mga dukha.
Bansang Pilipinas ay di nagpatinag
Muli tayong bumangon at nagpakatatag
Lahat ng tao ay napanatag
Nang ang pandemya’y unti-unting tumiwalag.
Pilipinas na minamahal
Mga naniniraha'y di hangal
Pagkat iniingatan natatanging dangal
Walang sinuman ang makakatanggal.
Sa ati'y walang makakatumba
Bahain man ng mga problema
Pagtutulungan ang siyang sandata
Kahit mga sakuna'y hindi makakaubra.