·
Tatay, Nanay, Ate at kuya
Sila ang bumubuo sa aking pamilya
Laging Kasama sa tuwi-tuwina
Saanman ako magtungo, magpunta
Walang hindi kakayanin, sapagkat sila ang kapiling
Lahat gagawin ‘wag lang sila paiyakin
Bawat gawain iaalay sa kanila
Sapagkat tagumpay ko ay laan sa pamilya
Anumang suliranin ay kayang lampasan
Basta’t andiyan ang magulang na tagapamagitan
Walang kinakampihan bagkus pag-uunawaan
Ang ipinaiintindi sa pamilyang pinapahalagahan
Darating ang panahon tayo ay lilisan
Sa mundong puno ng kahiwagahan
Masasayang alaala ang ating iwan
Sa ating pamilya at buong sanlibutan.