·
Gumuho ang lahat sa isang iglap
Hangad na pagtupad sa pangarap
Kapalara’y pinagkait kahit nagsikap
Pag-asang makaahon sa hirap
Naghangad ba ng labis?
Sa isip ay hindi maalis
Pag-angat lang ang nais
Maisukli sa kanilang dugo’t pawis
Kapalara’y sadyang mailap
Katotohanan sa ati’y iniharap
Lahat pwedeng maglaho sa isang kisap
Kahit anong higpit ng ating yakap
Ano pa man ang kinahinatnan
Pagsuko ay di dapat ayunan
Marapat piliin ang katatagan
Magpapatuloy ng may kabutihan
Sa Lahat ng ating pinagdaanan
Diyos at pamilya, ating sandigan
babangon tayo, muling papatunayan
Matibay sa kahit anumang laban
Pilipinas hindi tutumba
Bagyo man o pandemya
Mananatiling may pagkakaisa
Mananalig, may pag-asa.