Ako’y isang batang Pinoy,
Mulat sa pabago-bagong kapaligiran.
Pagbabago na dapat pag-aaralan,
Upang sa ganoon madali kong matutunan.
Maraming pagsubok ang aking naranasan,
Mahirap man o madali dapat aking pagsusumikapan.
Sa tulong ng Maykapal aking natutuhan,
Matatag na bata ika’y gagantimpalaan.
Kahit saang sulok man ako magpunta,
Iba-ibang tao aking nakakasalamuha.
May Tagalog, Bisaya, Ilokano, Bikolano, at iba pa,
Dahil pinoy kaming lahat siguradong nagkakaintindihan.
Iba-iba man ang sinasambit na wika at kultura,
Iisa pa rin ang layunin at patutunguhan.
Kaya dapat laging matatag at malakas,
Magandang kinabukasan ay aking makamtan.