Pinoy… Matibay…. Matatag di sumusuko!
Katagang larawan sa Pilipinong buo ang loob
Dumaan man ang unos, laging bumabangon
Di natitinag sa hirap na hinaharap.
Dumapa’t matumba...mawasak, mawalis ng pagsubok
Laging tumatayong tindig sa bawat hamon.
Pinoy na magaling walang sinusukuan,
Hanggat humihinga, kayang magpatuloy.
Bawat pinoy maniwala sa kanilang kakayahan
Sapagkat madalas sarili ang sandalan
Dito sa mundong puno ng kahirapan
Lakas ng loob gawin nating sandigan.
Anumang tadhana sa bawat isa nakalaan
Sari-saring tungkulin ang dapat gampanan
Lahat ng hirap na ating nararanasan
Gawing inspirasyon ng ating kalakasan.
Laging tibayan ang pananampalataya
Sa buhay na di tiyak kung talo o kaya
Huwag susuko sa pagsubok na dala
Liwanag sa dilim ating matatamasa.