Ang Wikang Filipino ay ating sandata na dapat gamitin sa tuwi-tuwina
Sa bawat sandali saan mam magpunta, sa anumang gawain at anumang karera
Maging sa tahanan, trabaho at paaralan, wikang ginagamit ang siyang paraan
Upang ang hangarin at mga mithiin ay tiyak na tagumpay ang siyang kakamtin.
Ngunit sa panahong ang mundo ‘’y sinasakop ng globalisasyon
Atin ding mamamalas kabataang sa gadget atensyoý nakatuon
Sa halip na maglaro ng patintero at sipa, o di kaya ng bugtungan at sungka
Hayon at nasa sulok nakatitig sa celfon, di alintana oras na natatapon.
Pagpasok sa paaralan ng mga batang kinder at grade one
Guro ang siyang nahihirapan, sa aralin ay hindi magkaintindihan
Sapagkat ang wikang gamit ng kasalukuyang kabataan
Ay mula sa YouTube na pinakilala ng wikang dayuhan.
Hindi nga baga at nakasisiyang pakinggan na sa kanilang murang gulang
Matatas na pagbigkas ng sariling wikang kinagisnan ang namumutawi
Sa labi ng kabataan, hindi yaong wikang nagmula sa mga dayuhan
Na tila ang hatid sa mga kabataan sila ay magaling at mas nakalalamang.
Mapapansin din sa ating tahanan, pagdating ni ama, ni ate at kuya
Wala na ang pagbati at pangungumusta, usapat kwentuhan ay tila limot na
Unti-unti na ngang salitaý nawawala, mga saloobin ay di maiakma
At maging sa hapag tila baga kakulangan, na ang celfon sandaling bibitawan.
Sanay ating tandaan kulturaý mabago man umunlad at sumilang
Huwag natin kalilimutan ang ating sariling wika na simbolo ng Kalayaan
Ating isapuso, ituro sa kabataan at gamitin sa tahanan.
Upang wikang Filipino ay hindi matabunan ng makabagong kulturang dala ng kasaysayan.