·
Ang buhay ng tao ay tunay na mahiwaga
Minsan malungkot, minsan masaya
Saanman patungo at landas na papunta
Sa anumang gawain kailangan ng kabaka
Kaibigan ang turing sa laging kasama
Sa hirap at ginhawa kasama mo tuwina
Anumang suliranin, napapagaan, nakakaya
Basta’t may taong handang umalalay kapagdaka
Mahirap mag-isa lalo’t wala ang pamilya
Pangungulila at kalungkutan ang laging alintana
Nguni’t dahil may kaibigang nasasandalan ka
Anumang suliranin napapawi, nakakaya.
Ating ingatan, Kaibigang tunay
Kapag iyong nakita’y huwag pakawalan pa
Dahil hindi lahat ay nakakatagpo ng tunay na kaibigan
Na handang dumamay ngayon at magpakailanman.