Isang bansa, isang mithi
Wikang pinayabong at pinili
Wikang Filipino ang naging sanhi
Salamin ng ating kultura't lahi
Wikang Filipino, wikang kinagisnan ko
Pamana ng ating mga ninuno
Kailanma'y hindi magbabago
Ginagamit ng mga katutubo
Sariling wika'y isang kayamanan
Pinagbuklod-buklod ang mga mamamayan
Pinagtibay ang bawat samahan
Tradisyon at kaugalian ay napag-ingatan
Wikang Filipino ay siyang naging tulay
Upang tatlong kapuluan mapagtibay
Mga tao'y naghawak-kamay
Tungo sa bansang matagumpay
Umusbong kultura at pagkakakilanlan
Wikang Filipino ang naging dahilan
Kaya't tanggapin nang may kagalakan
Maging Pilipino'y isang karangalan