Ano ba ang kahihinatnan ng buhay ngayon?
Puro problema sa gitna ng pandemyang yaon
Namatay, nagutom at nawalan ng hanapbuhay
Di alam ang gagawin sa unos ng buhay.
Sektor ng pamahalaan lahat apektado
Hirap ibangon dahil lahat nabaldado
Ngunit edukasyon ng bawat mag-aaral hindi nalumpo
Dahil sa ibat-ibang paraan ng pag-aaral ay inendorso
Tulad ng pinoy di agad nauupos
Anumang pagsubok laging natatapos
Kayang lagpasan ng walang pasubali
Lahat ng pagsubok ng walang pagkakandili.
Pilipinong tunay kaylanman di natitinag at nababahala
Hampas ng malakas na alon, bagyo o anumang sakuna
Hindi sumusuko sa laban ng buhay kahit mahirap ang pinagdaanan
Ugaling matatag, matibay at matiyaga susi sa pagharap sa pagsubok.
Huwag kang susuko sa anumang hirap na naranasan
Gawing inspirasyon ang unos ng pagsubok
Liwanag ng kapalaran iyong masisilayan
Upang marating ang tagumpay ng buhay na inaasam.