Wikang Filipino’y may lakas at angas.
Instrumentong gamit sa bawat pahimakas.
Isa yang baskagang hulmahan ng lahat,
Sisidlang matibay sa lahat ng oras.
Kulturang kay sarap damhin at ibida.
Pangkasaysayang wikang mayaman sa binhi at pita.
Gayunmay napatunayan na sa mahabang panahon
Na ang wika ng Pinoy ay sadyang “moog na” mula pa nga noon.
Wikang Filipino, kaiba sa lahat,
Pagkat sa paggamit nito, tradisyo’y mamamalas.
May “po at opo” gamit pag nangusap sa maeedad.
Isama pa ang “Mano po” paggalang at respeto ang hayag.
Tunay na sa wika bakas ang paniniwala at pilosopiya.
Tatak ng Pilipinong magaling makisama.
Mahalaga ang kapwa at bayanihan ay kitang kita.
Walang maiiwan, sa bawat gawain ika nga’y isa para sa lahat, lahat para sa isa!
Napananatili ng Wikang Filipino Kultural na Identidad
Nagsisilbi itong tulay sa bawat etnikong pangkat
Sa alinmang dako ng Pilipinas, iba-iba man ang kulturang namamalas
Pagkakaunawaan at pagkakaisa pa rin ang hatid ng wika sa lahat.
Ang wika’y kasangkapan sa sining at panitikan
Mga kwento, dula, awit at tula na naglalaman ng damdamin at karanasan
Tagapagdala ng kultura at tradisyon, sining na ating kayamanan
Yan ang husay ng wika na salamin ng ating bayan.
Bagaman ang Pilipinas, dialekto’y iba-iba
May Cebuano, Ilocano, Tagalog, Bicolano at iba pa
Nangungusap itong pusong, iisa ang idinidikta
Pinoy tayong ang wika ay salamin ng yayamanin ang kultura.
Kaya dapat lamang na laging ibandera
Ipagmalaki mo, Wikang Filipino palagi ang bida
Sa lahat ng dako, Pilipino’y kilala
Bitbit ang kulturang wika ang nagdala!