Naririnig kita, nararamdaman kita.
Pitik at kislap na indayog ng mga dahon
Gumagalaw sa pakiramdam na paahon
Buhanging patuloy na dumadaloy
Kagubatang lumiligoy-ligoy
Bakas ng nakaraang paririto
Simoy ng hanging hindi nagbabago
Saan, kailan, nandiyan magpakailanman
Bantayog ng ating kinagisnan
Lawiswis, saksi ng ating kasaysayan
Haplos na huwag sanang makakaligtaan
Pakiramdam ng agayay tandaan
Damdaming desisyong papahintulutan
Lenggwaheng simoy ng hangin
Isa isang katauhang kakabitin
Piliing madama ang hanging kayamanan
Mahalagang kasangkapan kinakailangan
O, Filipinong aking minamahal
Isang simoy na patuloy na dinadamdam
Umuukit sa puso’t isipang kay tagal
Agaas sa pebong-silang inaasam
Humaplos sa balat ng katauhan
Pakiramdam at ala-alang huwag kakalimutan
Iyan, lenggwaheng haplos ng lawiswis
Kailanman walang makakapagpaalis
Nararamdaman pa rin kita
O hanging, ika’y aking kinakamusta