Samo't saring unos ang sa Inang Baya'y bumugso
Ramdam ang hapdi at dalamhati!
Hindi mapag alaman kung saan at kailan paparito
Ang dagok na siyang nag papahirap sa sambayanang Pilipino
Bagyo, sakuna't kahirapan ang daing ng mundo
Hindi ba't ramdam ng bawat isa ang sagwil na ito?
Hindi ba't nakapanlulumo ang dala ng mga suliraning ito?
Ang inang baya'y nakagapos sa sandamakmak na unos
Kalayaan ang sigaw ng sambayanang Pilipino!
Kalayaan sa pandemya at telang nakatabing sa bibig
Parang nasa hawlang hindi makawala
Pandemya at unos dala niyo'y pighati sa Inang Bayan
Ang oras ay nagdaraan, sumisibol ang panahon ng hindi alintana
Kinakayang labanan ang suliraning ito
Iyan, iyan! Ang motobasyon ng isang Pilipinong may pagkakilanlan
Pilipinong tatayo sa anumang dagok na pinapasan
Ako, Ikaw, Tayong lahat!
Hindi ba't nasa dugo nating ang salitang PAGKAKAISA?
Hindi matitibag ninuman, Pandemya man o bagyo ay 'di malilipol
Tibay at bisa ng Pagkakaisa laban sa sakunang tinatamasa yaon!
Pilipinas, Inang bayan na sinisinta
Kaming mga Pilipino'y patuloy na aahon
Lalaban at magiging matatag!
Sakuna ka lang! Pilipino kami!