Nagmula sa ating lahi, diwa ng pangakong lupa
Salamin ng ating pagkatao, tayo’y nagging malaya
Simbolo ng mayabong at mayamang kasaysayan,
Nagbigay sa bawat Pilipino ng tunay na pagkakakilanlan
Sa kasaysayan at kuwento ng Inang Wika
Nagmumula mga pangiatain, aral at karunungan,
Mga salitang may lalim, halaga at panghalina
Nag-uugnay sa ating mga pangitain at pangarap sa bayan.
Sa mga tula at awit, damdamin ay nahuhugot,
Kawanigs ng pag-ibig, pag-asa, sa liriko'y umiikot,
Wika'y sining, sa isip ng kabataang Pilipino’y naglalaro,
Sa bawat taludtod, kultura'y sumasayaw, nagiging totoo.
Kaming kabataang pag-asa’y nagbabanyuhay
Sa bawat hakbang ng pag-unlad, ikaw pa rin ang gabay
O Wikang Filipino, anumang lahing Pilipino’y pinag-uugnay
Sa ating nakaraan at hinaharap, nagsisilbing tulay.
Kabataang matatag, ipagmalaki ating wika’t lahi
Ito’y pamana at simulain ng karunungan - ating binhi
Sa bawat henerasyon, mayamang kultura’y patuloy na ibandila
Pagka’t ito ang buhay ng kinabukasan at yamang Maharlika.