·
Aking sisimulan itong hinabi na tula;
Pasasalamat sa Diyos sa sansinukob lumikha;
Perlas ng silangan itong ating bansa;
Proteksyon niya kailanma’y di maikakaila.
Pilipinas na pinagpala ng ating bathala;
Sagana sa yaman mapatubig man at lupa;
Binayo ng pagsubok kalamida’t pandemya;
Kailanma’y di papadaig itong ating bansa.
Bayang Pilipinas marikit ng timog-silangan;
Dumaan sa pagsubok at pananakop ng mga dayuhan;
Katatagan, pananamplataya ang naging sandigan;
Binigkis ng buhay at kapalaran.
Bagyo man pandemya’t ito’y nalalagpasan;
Malakas at tunay na hindi padadaig sa laban;
Bansang Pilipinas na nagmula sa timog-silangan;
Titindig, tatayo’t makikipagsapalaran.