Sa mga panahon na lumisan
Tila ba’y ang ating bayan ay sinubukan
Kaliwa’t kanang problemang nagdaan
Sama sama nating linagpasan
Nandiyan ang mga baha at bagyo
Na talaga namang perwisyo
Sinisira ang mga kabuhayan mo
Minsan kumitil pa ng buhay ng tao
Buong mundo naman ay nagulat
Nang sumabog at may naiulat
Isang mapanganib na sakit ang kumakalat
Kaya naman lahat ay nag-ingat
Tila tumigil ang buhay ng tao
Nagbago ang lahat dahil sa pandemyang ito
Hindi tayo makalabas, hindi makatrabaho
Nagutom ang bawat pamilyang Pilipino
Mabuti na lamang ang mga Pinoy ay hindi madaling sumuko
Problema lang ‘yan, tayo ay Pilipino
Lahat ay lalabanan hinding-hindi susuko
Masakit man ang pinagdaanan ngingiti din sa dulo
Lalaban tayong Pilipino nang patas
Para magwagi sa wakas
Taas-noo kong isisigaw at itataas
“Pilipinas lang malakas”